Ўзбекистон Республикаси Конституцияси халқимиз сиёсий-ҳуқуқий тафаккурининг ёрқин ифодаси сифатида демократик давлат ва кучли фуқаролик жамиятини барпо этиш, аҳолининг эркин ва обод турмушини таъминлаш, мамлакатнинг халқаро майдондаги обрў-эътиборини юксалтириш ҳамда барча соҳаларда ислоҳотларни муваффақиятли амалга оширишда мустаҳкам пойдевор бўлиб хизмат қилмоқда.
Бугун, 6 декабрь куни Ромитан тумани ҳокимлигининг фаоллар залида турли соҳа илғорлари муносиб меҳнатлари учун, шунингдек мамлакатимиз иқтисодий салоҳиятини юксалтириш, соғлом ва баркамол авлодни вояга етказиш, ёшларимизни ватанпарварлик ва истиқлол ғояларига садоқат руҳида тарбиялаш ишларига қўшган ҳиссаси учун “Ўзбекистон Конституциясининг 30 йиллиги” эсдалик нишонлари тантанали равишда ўз эгаларига топширилди.
Ушбу маросимда Ромитан тумани ҳокими Умеджон Барноев иштирок этиб, барчани яқинлашиб келаётган байрам билан табриклаган ҳолда кўкрак нишонларини топширди.
