Иқлим ўзгариши билан боғлиқ муаммоли масалалар мамлакатда амалга оширилаётган ислоҳотлар самарадорлигига, хусусан, иқтисодий ўсиш ва камбағалликни қисқартириш, экологик ва озиқ-овқат хавфсизлигини таъминлашга ўзининг салбий таъсирини кўрсатади. Шундан келиб чиқиб, ушбу йўналишда мамлакатда иқлим ўзгариши таъсирини камайтириш ва унга мослашиш, «яшил» иқтисодиётга ўтиш чораларини жадаллаштириш, «яшил» ва инклюзив иқтисодий ўсиш моделини тарғиб қилишга катта эътибор қаратилмоқда.
Бугун, 18 январь куни Ромитан тумани ҳокимлигининг кичик мажлислар залида туман ҳокими Умеджон Барноев, Ғиждувон эркин иқтисодий зонаси дирекцияси раҳбари Отабек Қазоқов, туман ҳокими ўринбосарлари, мутасадди идоралар раҳбарлари билан биргаликда Россия ва Норвегиянинг “РИВОЖЛАНИШ МОДЕЛИ” халқаро консорциуми таъсисчиси Светлана Вертоградова билан туманда “Яшил энергия” манбаларини қуриш лойиҳасини амалга ошириш юзасидан музокаралар ўтказилди.
Музокара давомида мазкур лойиҳани амалга оширилиш босқичлари, томонлар масъулиятлари ва зарурий тадбирлар муҳокама қилинди. Туман ҳокими томонидан “Яшил энергия” манбаларини қуриш учун ер майдони таклиф этилган ҳудудлар кўриб чиқилгач, “РИВОЖЛАНИШ МОДЕЛИ” халқаро консорциуми компанияси вакиллари билан инвестицион келишув имзоланади.
Маълумот учун, 2022 — 2026 йилларга мўлжалланган Янги Ўзбекистоннинг тараққиёт стратегиясида белгиланган вазифаларни амалга ошириш, Ўзбекистон Республикасининг «яшил» иқтисодиётга ўтиш стратегияси доирасида «яшил» ва инклюзив иқтисодий ўсишни таъминлаш борасида амалга оширилаётган чора-тадбирлар самарадорлигини ошириш, қайта тикланувчи энергия манбаларидан фойдаланиш ҳамда иқтисодиётнинг барча тармоқларида ресурсларни тежашни янада кенгайтириш мақсад қилинган.
