“BUKHARA NEWS” телеграм каналида Когон шаҳридаги 8-сон давлат мактабгача таълим ташкилоти тарбияланувчисининг ота-онаси томонидан қилинган мурожаат юзасидан Когон шаҳар Мактабгача таълим бўлими қуйидагиларни маълум қилади
Когон шаҳар Мактабгача таълим бўлими ҳамда Молия бўлими ҳамкорлигида ишчи гуруҳ томонидан ўрганиш ўтказилди.
Ўзбекистон Республикаси Адлия Вазирлиги томонидан 2016 йил 23 августда 2821-сон билан рўйхатдан ўтказилган «Мактабгача таълим муассасалари ва мактаб интернатлардаги болалар таъминотига ҳақ тўлаш тартиби тўғрисида»ги низомнинг 7-бандига асосан Мактабгача таълим муассасалари ва мактаб-интернатлардаги болалар таъминоти учун тўловлар ҳар ойнинг 15-санасидан кечиктирмасдан тўланиши тўғрисида белгилаб қўйилган, шу сабабли тарбияланувчиларнинг ота-оналар тўлов ойнинг 15-санасига қадар тўланилиши кўрсатилган.
Когон шаҳар Мактабгача таълим бўлимига қарашли 8-сон давлат мактабгача таълим ташкилоти 2019- йил «Обод маҳалла» дастури асосида тамъирланди ҳамда МТТ жиҳозлари янгиланиш қаторида ҳар бир гуруҳ учун етарлича ошхона жихозлари билан таъминланган.
Ўрганиш натижасида масъул ходимлар томонидан ота-онадан дори воситалари олиб берилиши сўралмаганлиги аммо болаларнинг кунлик гигиеник воситалари сўралганлиги, танқидий материалда яққол кўриниб турибди. Ушбу ташкилотнинг масъул ходимларига Ўзбекистон Республикасининг Меҳнат Кодексининг 181-моддасига асосан «Ҳайфсан» интизомий жазо чораси қўлланилди.
