РАСМИЙ МУНОСАБАТ

Бугун “BUKHARA NEWS” телеграм канали орқали қилинган видеомурожаатда Бухоро шаҳрининг “Хўжамушкин” маҳалла фуқаролар йиғини биносида маҳалла раисларининг сайлови бўйича яширин йиғилиш ўтказилаётганлиги айтилган. Ҳолат юзасидан ўрганиш ишлари олиб борилганда мурожаатида ўзини уй бошлиғи деб таништирган фуқаро аслида МФЙга қарашли 9 уй бошлиғи Мухсинов Равшан Мухсиновичнинг турмуш ўртоғи бўлиб, ўтказилаётган йиғилишга умуман алоқаси йўқлиги аниқланди. Шунингдек, ҳолат юзасидан изоҳ сўралганда МФЙ масъуллари томонидан жорий йилнинг 19 май куни маҳалла фуқаролар йиғини раиси лавозимига ўтказиладиган сайловни тинч йўл билан ўтказиш ва фуқаролар учун етарли шарт-шароитларни яратиш бўйича ташкилий ишларни амалга ошириш учун тегишли кўрсатма ва топшириқлар бериш мақсадида барча уй бошлиқлари телефон орқали чақирилганлигини, барча уй бошлиқлари қаторида 9 уй бошлиғи Р.Мухсиновга ҳам қўнғироқ қилингани ва боғланиш имкони бўлмаганлигини билдирди.