Расмий муносабат

Каналимизда эълон қилинган “Қоракўл тумани спорт мактаби директори ходимлардан мажбурлаб пул сақлаб келганлик ҳолати” бўйича Вилоят Спортни ривожлантириш бош бошқармаси
Матбуот хизмати қуйидагиларни маълум қилади

Ушбу ҳолат бўйича Қоракўл туман спорт мактабида, Бухоро вилояти спортни ривожлантириш бош бошқармаси ишчи ходимлари томонидан ишчи гуруҳ ўрганиш ишларини олиб борди.
Унга кўра мурожаатчи шахс О.Куллиев ҳақиқатдан ҳам Қоракўл туман спорт мактабида йўриқчи-услубчи лавозимида ишлаб келган ва 2019 йилдан бошлаб рахбарлик лавозимида фаолият юритиб келаётган спорт мактаби директори Ф.Файзуллоев билан ораларида бўлган сўзлашувларни норозилик тарзида тарқатган.
Ишчи гуруҳнинг ўрганиш хулосасига кўра аввало мактаб ишчи -ходимларининг бундай ҳолатга қандай муносабатда эканлиги ва мазкур мурожаат қанчалик асосли ёки асоссиз эканлиги обдон ўрганилди.
Мураббийлар ва ходимлар билан ташкил этилган йиғилишда, ишчи ҳодимлар мазкур мурожаат бўйича Ф.Файзуллоевга нисбаттан бирор эътироз ёки шикоятлари йўқлигини унинг рахбар қолаверса Жаҳон чемпиони сифатида спортни ва мураббий, ишчи ходимларни яхши тушуниб келаётганини барчалари тасдиқлашди.
Бироқ бу ўзаро сухбат, нега ижтимоий тармоқда жойлангани ва нима мақсадда ёзиб олингани, нега ходим О.Куллиев норозилик тарзида бу аудио ёзувни тарқатган?- деган ҳолатлар хусусида чуқурроқ текширилганида бизга айрим маълумотлар аён бўлди.
Маълум бўлишича Ф.Файзуллоевнинг иш фаолияти бошланган кунидан бошлаб, ушбу спорт мактабида ишлаб келган О.Қуллиев ўз норозилигини ва эътирозларини билдириб келган.
Сабаби ўрганилганда ходим О.Қуллиев мехнат қонунчилиги бўйича тўрт маротаба интизомий жазоларини олишига қарамасдан, бошланғич касаба уюшмаси О.Куллиевни мехнат шартномасини бекор қилиш тўғрисидаги розилик қарорини кўргандан сўнг рахбарга нисбаттан шахсий адовати кучайган.
Шунингдек ходим О.Қуллиевнинг норозилик чиқишлари кор қилмагач, шу кунга қадар Ф.Файзуллоев устидан бир нечта ташкилот ва идораларга ариза шикоятлар билан мурожаат қилган. Шунингдек 2022 йил 11 сентябрь куни ижтимоий тармоқда тарқалган мазкур аудио ёзув,  аслида 2020 йил давомида ёзиб олинган бўлиб, тегишли идораларга юборилган ва шикоят қилинган.
Ариза шикоятлар тегишли идоралар ва мутахассислар томонидан ўрганилган бўлиб, 2021 йилнинг 19 ноябрь куни Қоракўл туман прокуратураси томонидан О.Куллиевнинг аризаси юзасидан текшириш ва ўрганишлар ўткзилган ва ушбу ариза шикоят ўз тасдиғини топмаганлиги сабабли рад этилган. (Қоракўл туман прокуратураси қарори илова қилинади).
Бир сўз билан айтганда ушбу аудио ёзув яна бир нечта жойларга жўнатилган. Бироқ ҳудуд прокуратура ходимлари томонидан ушбу ҳолатлар бўйича текшириш ва ўрганиш ишлари олиб борилганда унинг ҳаракатларида жиноят аломатлари аниқланмаганлиги сабабли жиноят иши қўзғатиш рад қилинган.
Ўрганиш якуний натижалари бўйича йўриқчи-услубчи О.Қуллиев мурожаатлари ўз исботини топмаган.