✔️Айланмаси 1 миллиард сўмдан ошиб, умумий солиқ тўлаш тартибига ўтган корхоналар бир йил давомида фойда солиғини 2 баробар кам тўлайди.
✔️2023 йил 1 январдан:- кичикдан ўрта бизнесга ўтган корхоналар икки йил давомида фойда солиғининг фақат 50 фоизини тўлайди;- мулкни суғурта қилиш харажатларининг 50 фоизи давлат ҳисобидан қоплаб берилади.
✔️2023 йил 1 январдан бошлаб қўшилган қиймат солиғи ставкаси 12 фоизга туширилади.
✔️Биринчи марта хато қилган кичик бизнес вакилларига жазо чораси қўлланилмайди. Бунинг ўрнига камчиликларни бартараф этишга солиқ идоралари кўмакчи бўладиган тизим жорий этилади.
✔️Савдо қоидаларини бузганлик учун жиноий жавобгарлик тўлиқ бекор қилинади (Жиноят кодексининг 189-моддаси).
✔️Кичик ва ўрта тадбиркорлар Савдо-саноат палатасига аъзолик бадали тўламайди. Палатага бюджетдан қоплаб берилади.
✔️Тадбиркорлик жамғармаси томонидан кафиллик бериш имконияти қўшимча 2 баробарга оширилади. Ҳозир 10 триллион бўлса, энди 20 триллион қилинади. Натижада камида 15 минг нафар тадбиркорнинг кредит олишдаги гаров масаласи ҳал бўлади.
✔️ Президент ҳузурида Тадбиркорликни қўллаб-қувватлаш бўйича Жамоатчилик кенгаши тузилади.
✔️Шавкат Мирзиёев шунингдек, “Ўзбекистонда хизмат кўрсатган тадбиркор” фахрий унвонини таъсис этиш таклифини илгари сурган.
