Jean Tirole 2014 йил монополияларни бошқариш ва бозорни тартибга солиш соҳаларидаги долзарб муаммоларга энг яхши ечимларни илгари сургани учун Нобел мукофоти билан тақдирланган.
Бухоро давлат университети кичик мажлислар залида замонамизнинг энг нуфузли иқтисодчиларидан бири Jean Tirole маъруза қилди. Ушбу учрашувни БухДУ ректори О.Х.Хамидов кириш сўзи билан очиб берди. Шунингдек, учрашувда БухДУ Иқтисодиёт ва туризм факультети профессор-ўқитувчилари, магистрлари иштирок этишди.
Ўзаро мулоқот шаклида ўтказилган маърузада “Йирик монопол компанияларни бошқариш ва тартибга солишнинг энг самарали усуллари” мавзусида муҳим фикрлар билдириб ўтилди. Шунингдек, очиқ маърузада Jean Tirole шахсий манфаатлар ва ижтимоий фаровонлик ўртасидаги мувозанатни тушунтириб, халқ фаровонлигига эришиш бўйича ўз изланишлари ҳақида маълумот берди.
Учрашув давомида қизиқарли савол-жавоблар ташкил этилди. Магистратура талабаси Райҳона ушбу соҳада муваффақиятга эришиш методларини сўраганида Jean “Инсонлар мени илҳомлантиради, буни иш эмас, буни роҳат деб қабул қилганман” дейди.
Учрашув сўнгида университет ректори О.Х.Хамидов Jean Tiroleга эсдалик учун совғаларни топширди.
