Россиянинг S7 Airlines компанияси Ўзбекистонга парвозларни тиклайди, деб хабар бермоқда FrequentFlyers.
Қайд этилишича, ушбу авиакомпания октабрдан бошлаб Новосибирскдан Бухоро, Самарқанд, Тошкент, Фарғона шаҳарларига, шунингдек, Москвадан Бухоро, Самарқанд, Урганч шаҳарларига авиқатновларни йўлга қўяди.
Айни пайтда S7 Airlines халқаро йўналишда фақат Қирғизистон ва Тожикистонга парвозларни амалга оширмоқда.
Эслатиб ўтамиз, Дунё мамлакатларининг Россияга қўллаётган санкциялари туфайли S7 Airlines, iFly, «Аэрофлот», Nordwind, AZUR Air, Smartavia авиакомпанияларининг Ўзбекистонга парвозлари тўхтатилган эди.
