Бу ҳақида Президент Шават Мирзиёев иштирокида бўлиб ўтган видеоселекторда мактабларда хорижий тиллар ва касб ўргатиш тизимини ривожлантириш масалалари бўйича кенгайтирилган йиғилишда маълум қилинди.
Қайд этилишича, мактаб битирувчиларининг 50 фоизи меҳнат бозорига ҳеч қандай касбга эга бўлмасдан кириб келмоқда.
Шундан келиб чиқиб, энди туман ва маҳаллаларнинг хусусиятидан келиб чиқиб, ўқувчилар мактабнинг ўзида 64 хил ишчи касбларга ўргатилиши кўзда тутилмоқда. Шу боис ҳокимликларга ушбу танлаб олинган мактабларда касб-ҳунар устахоналари ташкил этиш, уларни жиҳозлаш ва зарур ашёлар билан таъминлаш вазифаси қўйилди. Бунга ёшлар етакчилари ва тадбиркорлар ҳам жалб этилади, Ёшлар жамғармасидан маблағлар йўналтирилади.
– Ҳозир тадбиркорлар, ишлаб чиқарувчиларни шу масала қийнаяпти: бўш иш жойи кўп, ойлиги ҳам яхши, лекин ўқуви ва кўникмаси бор ишчи йўқ. Агар бу тизим тўғри ташкил қилинса, биздаги демографик ўсиш билан катта натижаларга эришса бўлади, – деди давлатимиз раҳбари.
Шундан келиб чиқиб Вобкент туманининг умумий таълим муассасаларининг 9-11 синф ўқувчиларини касб-ҳунарга ўргатиш тартиби жорий этилмоқда. Тумандаги 8-умумий ўрта таълим мактаби ўқувчилари бўш вақтларида асосий таълим жараёнидан касб-ҳунарга эга бўлишлари аниқланди.
Максад эса сектордаги ёшлар, эҳтиёжманд оилалар билан ишлаш, улардан меҳнатга лаёқатлиларини бирор бир ҳунарга ўргатиш ва шу орқали уларни доимий иш билан таъминлашдан иборат.
Вобкент туман Халқ таълими бўлимига қарашли 1-сектор ҳудудида жойлашган 8-умумтаълим ўрта мактабида ўқувчиларни ҳунар ўрганишга қизиқтириш, меҳнат дарсларини бевосита амалиёт билан боғлаш мақсадида бўш турган меҳнат дарси хоналарида ва мактаб ошхоналарига, ҳудуднинг шарт-шароитидан келиб чиқиб тадбиркор-ҳунармандларни жойлаштиришни, уларга давлат мулкини ижарага олганлик учун тўловдан имтиёз беришни ҳамда бу борада хориж тажрибасини ўрганиб 1-сектор ҳудудидаги мактабларда «тадбиркорлик марказлари» ташкил этилди.
Мазкур мактабдаги ўқувчиларнинг дарслардан кейинги бўш вақтларини унумли ўтказишлари учун мактабнинг меҳнатхонаси қайта таъмирланди. Ҳомидов Асилбек устозлик қилаётган ҳунар мактабида 20 нафар ўқувчига дурадгорлик устахонаси ташкил этилди.
Ҳозирда уста-дурадгор касб сирларини ўзлаштиришлари учун ўқувчиларга дурадгорлик касби ўргатилмоқда.
