2022 йил 10 март куни куни соат 12:50 ларда номаълум шахс Бухоро шаҳар «Тўқимачи» бозори ҳудудида жойлашган банкомат олдида Бухоро шаҳар «Т.Фароғий» кўчасида яшовчи фуқарога тегишли бўлган АТБ «Миллий банки» Бухоро филиали томонидан берилган пластик карта ҳисоб рақамидан компьютер техникасидан фойдаланиб, 1.900.000 сўм миқдоридаги пулларни алдаб олиб, фирибгарлик жиноятини содир қилган.
Мазкур ҳолат юзасидан номаълум шахсга нисбатан Ўзбекистон Республикаси ЖК нинг 168-моддаси 2-қисми билан жиноят иши қўзғатилиб, олиб борилган тезкор-техник ва суриштирув ҳамда тергов ҳаракатлари давомида ушбу жиноятни Қашқадарё вилояти Косон туманида яшовчи шахс содир қилганлиги аниқланган.
Ҳозирги кунда ушбу шахснинг бошқа худди шу турдаги фош этилмасдан қолаётган жиноятларга алоқадорлигини аниқлаш юзасидан тергов ҳаракатлари давом эттирилмоқда.
