Аввал хабар берганимиздек, айни кунларда Республикамиз бўйлаб кузатилаётган совуқ об-ҳаво шароитида 14-15 январь кунлари Ромитан туманидаги ижтимоий ҳимояга муҳтож аҳоли қатламини қўллаб-қувватлаш мақсадида туман ҳокимлиги ташаббуси билан ҳомий ташаббускор тадбиркорлар томонидан тумандаги барча маҳалла фуқаролар йиғинларида хайрия тадбирлари амалга оширилишини режалаштирилган эди.
Жорий йилнинг 14 январь куни ушбу хайрия тадбирлари асосида тумандаги “Аминобод” фермер хўжалиги раҳбари Дилмурод Бахронов ташаббуси билан ОШ дамланиб, “Чандир” маҳалла фуқаролар йиғинида яшовчи эҳтиёжманд оилалар, ижтимоий ҳимояга муҳтож аҳоли қатлами, ногиронлиги бўлган фуқаролар учун тарқатилди.
Бугундан эътиборан, ҳар бир ёрдамга муҳтож фуқароларимиз учун ҳомийлик асосида кўмир, озиқ-овқат маҳсулотлари ҳамда турли ёрдамлар кўрсатилиб борилади. Бу ташаббусга эса фақат раҳбарият эмас балки, хайр-эҳсонга шошувчи фуқаролар ҳамда саховатпеша тадбиркорларимиз ҳам ўз ҳиссасаларини қўшишлари мумкин.
