Ижро ҳужжати медиация тартибида ҳал этилди

Қонунга мувофиқ, низоларнинг уч тоифаси: фуқаролик ҳуқуқий муносабатлардан, шу жумаладан, тадбиркорлик фаолиятини амалга ошириш муносабати билан келиб чиқадиган низолар, якка меҳнат низолари ва оилавий ҳуқуқий муносабатлардан келиб чиқадиган низоларга татбиқ этилиши мумкин.
Медиация тарафларнинг хоҳиш-истаги асосида суд ҳужжатлари ва бошқа органлар ҳужжатларини ижро этиш жараёнида қўлланилиши мумкин.
Ўзбекистон Республикаси Президентининг 12.03.2019 йилдаги “Суд ҳужжатлари ва бошқа органлар ҳужжатларини ижро этиш самарадорлигини ошириш чора-тадбирлари тўғрисида”ги ПҚ-4236-сонли қарорига асосан 2019 йил 1 апрелдан бошлаб суд ҳужжатлари ва бошқа органлар ҳужжатларини мажбурий ижро этиш жараёнига ҳам  медиация институти жорий этилган.
Ҳозирги кунда, медиация қонун нормаси мажбурий ижро этиш жараёнига самарали татбиқ этилмоқда.
Мисол учун, Бюронинг Когон туман бўлими иш юритувида фуқаролик ишлари бўйича Когон туманлараро судининг 19.11.2020 йилдаги ижро ҳужжатига асосан қарздор Р.Ҳамроевдан ундирувчи Р.Тўхтаева фойдасига 2 нафар фарзанди моддий таъминоти учун ойлик даромадининг 1/3 қисми миқдорида алимент ундириш тўғрисидаги ижро ҳужжати мавжуд.
Ижро ҳаракатлари давомида қарздор ижро ҳужжати талабларини бажариш, низоли ҳолатни ҳал қилиш ва тарафларнинг ҳамкорлиги асосида ўзаро мақбул қарорга эришиш мақсадида профессионал медиаторга мурожаат қилган.
Ижро жараёнида профессионал медиатор иштирокида қарздор ва ундирувчи ўртасида медиатив келишув тузилганлиги боис, ижро ҳужжати Ўзбекистон Республикасининг “Суд ҳужжатлари ва бошқа органлар ҳужжатларини ижро этиш тўғрисида”ги Қонуннинг 37-моддаси 2-қисми 21-бандига асосан тугатилди.
           Бюронинг Бухоро вилояти бошқармаси