Вобкент тумани “Кўлхатиб” маҳалла фуқаролар йиғинида жисмоний ва юридик шахсларнинг мурожаатларини кўриб чиқиш бўйича туман ҳокимининг навбатдаги сайёр қабули ўтказилди.
Мурожаатларни туман ҳокимлиги ва мутасадди идоралар масъуллари тингладилар. Қабулда фуқаролардан турли масалалардаги мурожаатлар қабул қилиниб, улар ўрганилди.
Учрашувда маҳалладаги “Аёллар дафтари”га киритилган хотин-қизлар, маҳалла фаоллари, Вобкент туман ҳокими Ф.Умаров, Халқ қабулхонаси мудири Л.Шарипова ва туман оила ва хотин-қизлар бўлими бошлиғи Ю.Зухуровалар иштирок этишди.
Учрашувда таъкидланганидек, хотин-қизларнинг мамлакатда ижтимоий-сиёсий ҳаётидаги ўрни ва фаоллигини ошириш, илмий фаолиятга кенг жалб қилиш, уларни ҳар томонлама қўллаб-қувватлаш, оила ва хотин-қизларнинг муаммоларини ўз вақтида аниқлаш, оғир ижтимоий аҳволга тушиб қолган оила ва хотин-қизларга ижтимоий-ҳуқуқий, психологик ёрдам кўрсатиш, қишлоқлардаги хотин-қизларни касб-ҳунарга, оилавий ва хусусий тадбиркорликка кенг жалб этиш, иш билан таъминлаш, оилалар маънавий-ахлоқий қадриятларини мустаҳкамлаш масалалари муҳокама қилинди.
