Ипак йўлида туризм” Тошкент Халқаро туризм ярмаркасида Бухоро вилоятининг туризм салоҳияти кенг тарғибот қилинмоқда. Ярмаркада Бухоронинг энг нуфузли 100 га яқин меҳмонхона, 30 дан ортиқ туристик компания, ресторанлар, туристик зоналар, этноуйлар ва дам олиш масканлари иштирок этмоқда.
Шунингдек, республиканинг етакчи туристик корхоналари билан 2000 га яқин битим келишувлар тузилди. Жумладан, меҳмонхоналар 42 млн, овқатланиш шахобчалари 30 млн, музейлар 5,4 млн, транспорт 1,5 млн АҚШ долларига яқин шартномалар имзоланишига эришилди.
Биргина меҳмонхоналар мисолида оладиган бўлсак, Бухородаги “Caravan Plaza” меҳмонхонаси(бир мавсумнинг ўзида) 500 минг АҚШ долларлик, “Sahid Zarafshon” меҳмонхонаси 700 минг АҚШ долларлик, шунингдек, “Aziya Bukhara“, “Orient star Varaxsha” меҳмoнхоналари ҳам 300 минг АҚШ долларлик шартномалар тузишга эришишди.
Умумий ҳисобда Бухоронинг 80 дан ортиқ жойлаштириш воситалари 42 млн АҚШ долларлик шартномалар имзолашди.
Бундан ташқари, Бухоро туманидаги “Шейхан” этноуйи, Ромитандаги “Bukhara Desert Oasis&Spa” туристик кластери, Тўдакўл сув ҳавзасидаги “Tudakul Resort” дам олиш маскани умумий ҳисобда 1.325 минг АҚШ долларига тенг шартномалар имзоланишига эришилди.
Шундай қилиб, Бухоро вилоятининг Тошкент Халқаро туризм ярмаркасидаги 2000 мингдан ортиқ келишувлари суммаси жами қарийб 80 млн АҚШ долларни ташкил этмоқда.
