Бухорода 280 та маҳалла фуқаролар йиғинида истиқомат қилувчи 174 мингдан ортиқ маиший газ баллони истеъмолчиси «Ҳудудгаз Бухоро» газ таъминоти филиали томонидан суюлтирилган газ билан таъминланмоқда. Шубҳасиз, истеъмолчиларга бир маромда суюлтирилган газ етказиб бериш тизими йўлга қўйилган бўлиб, йил бошидан то бугунги кунга қадар уларга 11 минг 465 тонна суюлтирилган газ тарқатилди.
Маълумки, совуқ об-ҳаво вақтида суюлтирилган углеводородли газнинг бир қисми оғир қолдиққа айланади ва ёнувчанлигини йўқотади. Шу боис ундан фойдаланиш мумкин эмас. Бугунги кунда «Ҳудудгаз Бухоро» газ таъминоти филиалининг «Ромитан», «Қоракўл» ҳамда «Вобкент» газ тўлдириш шохобчаларида оғир қолдиқ тўкиш ишлари доимий равишда олиб борилмоқда.
Жорий йилнинг 5 ойи давомида жами 57337 дона маиший газ баллонларидан 28,294 тонна оғир қолдиқ тўкиб олинди. Шундан, «Ромитан» газ тўлдириш шохобчасида йил бошидан бугунги кунга қадар 17561 дона маиший газ баллонлардаги 11,046 тонна, «Қоракўл» газ тўлдириш шохобчасида 20338 дона маиший газ баллонлардаги 6,036 тонна оғир қолдиқ тўкиб олинган бўлса, «Вобкент» газ тўлдириш шохобчасида эса ўтган беш ой давомида 19438 дона маиший газ баллонлари 11,213 тонна оғир қолдиқдан тозаланди.
