Мамлакатимизда ёшларга эътибор масаласи давлат сиёсати даражасига кўтарилган бўлиб, эртамиз эгалари ўзларининг қизиқишлари бўйича ҳар томонлама қўллаб-қувватлаб келинмоқда. Хусусан, жойларда ҳокимлар ёш авлод вакиллари билан учрашувлар ўтказаётганини бунга бир мисол қилиб келтириш мумкин.
Хусусан, Вобкент туман ҳокими Ф.Умаров ва Халқ қабулхонаси мудири Л.Шарипова тумандаги “Хўжаработ ” маҳалла фуқаролар йиғини ҳудудида истиқомат қилаётган имконияти чекланган тоифадаги ёшлар хонадонларида бўлиб, улар билан суҳбатлашди. Ёшларнинг қизиқиш ва муаммолари ўрганилди.
Учрашув аввалида туман ҳокими Ф.Умаров мамлакатимизда ёшларга берилаётган эътибор, ижтимоий ҳимояга муҳтож ногиронлиги бор ёшларни ҳар томонлама қўллаб-қувватлаш мақсадида амалга оширилаётган чора-тадбирлар юзасидан хонадон эгаларига тушунча бериб ўтди. Учрашувда ногиронлиги мавжуд ёшларга қандай ёрдамлар керак бўлса берилиши ва ижобий ҳал этиш юзасидан чора-тадбирлар ишлаб чиқилиб, ижроси юзасидан тегишли ташкилотларга юборилиб, ижроси назоратга олинди.
Ёшлар масаласида раҳбарлар олдига қўйилган вазифаларни ўз вақтида, сифатли бажариш орқали ислоҳотлар самарадорлиги натижасини ҳар бир ёшнинг ҳаётида кўрсатиш мумкин бўлади. Бу билан ёшларнинг давлатимиз томонидан қилинаётган ғамхўрликларни ҳис қилишига ва фаол ҳаётга кириб боришига эришилади.
