Ўзбекистонда ўтказилган Хитой маданияти кунлари доирасида меҳмонларни бир марта овқатлантиришнинг ўзига 313 млн. сўмдан ошиқроқ пул сарфланган.
Маълумотларга кўра, Хитой маданияти кунлари жорий йил 28 октябрь куни бўлиб ўтган.
Буюртмачи Маданият вазирлиги ҳузуридаги Халқаро фестиваллар дирекцияси. Буюртмани бажарган ташкилот эса ҳар доимгидай “SKY ЕVENTS” МЧЖ ҳисобланади.
Таомномага эътибор қилинса, тандир сомсанинг бир донаси 55 минг сўмдан, Фарғона мантиси 155 минг сўмдан, денгиз таомлари эса 1,05 млн сўмдан сотиб олинган. Гўшти ширинлиги бўйича энг олдинги ўринларда турадиган Ўзбекистонга гўшт Янги Зеландиядан келтирилган. Ушбу қўзи гўштининг бир қисми (порция) эса 415 минг сўмдан ҳисобланибди.
