Бухоро вилояти мактабгача ва мактаб таълими бошқармаси ҳамда Давлат хизматини ривожлантириш агентлиги Бухоро вилояти филиали ўртасида тузилган ҳамкорлик меморандуми ушбу тизимни амалга оширишда қонуний асос бўлди.
Мазкур меморандум доирасида мактабгача таълим ташкилотлари ва умумий ўрта таълим мактабларидаги бўш вакант лавозимларини танловга чиқариш, жамият тараққиёти ва давлат бошқаруви учун рақобатбардош, юқори малакали кадрларни саралаб олиш ишлари ҳамкорликда олиб борилиши белгиланди.
Эндиликда мавжуд бўш иш ўринлари vacancy.argos.uz платформаси орқали эълон қилиниб, hrm.argos.uz сайти орқали танлов асосида кадрлар саралаб олинади. Бу эса коррупция ва бошқа салбий оқибатларнинг олдини олиш, соҳа мутахассисларининг малакасини оширишга хизмат қилади.
Шунингдек, номзодларни саралаб олиш мақсадида суҳбат жараёнларини ташкиллаштириш ҳамда экспертларни жалб қилиш, танлов жараёнларини ташкиллаштиришда маҳорат дарслари, семинарлар, конференциялар ва бошқа илмий-амалий тадбирлар, кадрларнинг салоҳиятини ошириш учун очиқ эшиклар кунини ташкиллаштириш ва тест синовларига жалб қилиш борасида ҳам келишиб олинди.
