Маълум бўлишича, 2001 йилда туғилган Ш.Х. шу йил 25 сентябр куни Бухоро шаҳридаги хусусий клиникада пластик жарроҳлик амалиётини ўтказган.
Марҳуманинг опаси Х.К. Instagram саҳифасида ёзишича, операция олдидан зарур таҳлиллар ўтказилмаган. Қон таҳлили фақат операциядан икки соат олдин олинган бўлиб, қонда гемоглобин даражаси жуда паст экани аниқланган. Пешоб таҳлили, ЭКГ ҳам амалга оширилмаган. Шунга қарамай, операция ўтказилган. Шундан сўнг аёлнинг аҳволи ёмонлашган. Шифокор ўзининг хусусий клиникасида ходимидан олинган қонни тўғридан тўғри беморга қуйдирган. Шундан сўнг беморнинг буйраклари ишдан чиққан ва у 27 сентябр куни шаҳар шифохонасининг жонлантириш бўлимига ўтказилган.
“Опам бир ой ўлим билан курашди. 24 октябр куни шифокор Тошкент шаҳрига олиб бориш зарурлигини айтиб, ота-онамга имзо қўйдириб олди. Тошкент шаҳридаги шифохонага етиб боргунча опамнинг юраги уришдан тўхтади. 6 ёшли ўғли ва 3 ёшли қизи етим қолди”,
деган марҳуманинг укаси.
