Хабар берилишича, жорий йилнинг 4 феврал куни Бухоро шаҳар Пиридастгир ва Алпомиш кўчаларидаги уй орасида кўп қаватли уй-жой қурулиш бўлаётган ҳудуддан фуқаро Қ.Қ томонидан 16 туп дарахт ҳамда буталарни кесганлиги ва бу орқали ўсимлик дунёсига 266 млн 400 минг сўм зарар етказилганлиги аниқланган.
Фуқаро Қ.Қ.нинг ҳаракатларида жиноят аломатлари борлиги сабабли вилоят экология бошыармаси томонидан ҳужжатлар шаҳар прокуратурасига юборилган.
Прокуратура томонидан Қ.Қ.га оид иш ҳужжатлари ўрганилиб, унга нисбатан жиноят кодексининг 198-моддасининг 2-қисми билан жиноят иши қўзғатилди ва жиноят ишлари бўйича Бухоро шаҳар судига юборилди.
Айбдорга нисбатан 1 йил 6 ой муддатга озодликни чеклаш жазоси тайинланди.
Шунингдек, Қ.Қ. давлат фойдасига ўсимлик дунёсига етказилган 183.млн сўм зарарни ундириш белгиланди ҳамда қолган 83 млн 400 минг сўм қисми бўйича иш ҳолатларига аниқлик киритиш мақсадида ишнинг бу қисми Бухоро шаҳар прокуратурасига юборилди.
