Бухоролик болаларнинг орзулари амалга ошди. Вилоят болалар кўп тармоқли тиббиёт марказида биринчи бўлиб мураккаб туғма юрак нуқсони билан туғилган болага кардиохирургик операция амалга оширилди.
Операция марказимизнинг жарроҳ ва реаниматологлари билан бирга профессор Абралов Ҳакимжон Қобилжонович бошчилигидаги болалар кардиохирурглари бригадаси томонидан бажарилди.
Олдинлари бу операциялар Тошкент шахридаги клиникаларда амалга оширилар эди. Бугунги кунда ҳурматли Президентимизнинг тиббиётга бўлган эътиборлари ва яратиб берилаётган шароитлар, Вилоят ҳокимлиги томонидан кўрсатилаётган амалий ёрдамлари натижасида марказда юрак жарроҳлигини ўтказиш учун шароитлар яратилди.
Вилоятимизда 1500 нафар туғма юрак нуқсонлари билан болалар назоратда турибди. Шулардан 730 та операцияга муҳтож. 2 йилда 300 га яқин беморлар Тошкент клиникаларида операция қилинган.
Марказда кардиожарроҳлик операцияларининг йўлга қўйилиши Вилоятимиздаги туғма юрак нуқсони билан туғилган болаларни операция қилиш ортиқча оворагарчиликларнинг олдини олади.
