Хабарингиз бор айни кунларда Бухоро тумани ҳокими Анваржон Очилов бошчилигида тумандаги барча секторларда аҳоли бандлигини таъминлаш ҳамда ишсизликни бартараф этиш юзасидан масъуллар иштирокида меҳнат ярмаркаси ва фуқаролар қабуллари ўтказилмоқда.
Жумладан, бугун 1-сектор штаби биносида ўтказилган учрашув давомида сектор маҳаллаларини ишсизликдан ҳоли ҳудудга айлантириш, ишсизликни тўлиқ бартараф этиш, айниқса хотин-қизлар ва ёшлар бандлигини таъминлаш ва уларни тадбиркорликка жалб этиш юзасидан мутасадди ташкилотларнинг келгусидаги вазифалари белгилаб берилди.
Шунингдек, туман 1-секторига қарашли маҳалла раислари, ҳоким ёрдамчилари, тадбиркорлик субъектлари раҳбарлари билан суҳбат олиб борилиб, секторни ишсизликдан ҳоли ҳудудга айлантириш, тадбиркорлик фаолиятини кенгайтириш, иш ўрни яратиш бўйича тадбиркорларнинг таклиф ва муаммолари ўрганилди.
Якунда 25 нафар фуқароларнинг бандлиги таъминланди. Жумладан, 8 нафар фуқаро жамоат ишларига, 10 нафар фуқаролар касаначиларга бириктирилди ҳамда 7 нафар фуқароларга ўзини ўзи банд қилиш гувоҳномаси олиб берилиб, уларнинг бандлиги таъминланди.
