Бухоро шаҳрида яшовчи 44 ёшли фуқаро “биржа”га пул тикиб, банк картасидаги 19 минг АҚШ долларидан ҳам айрилди
44 ёшли Қ.Ғ. ИИОга мурожаат қилиб, банк картасидан 19 минг АҚШ доллари миқдоридаги пул маблағлари номаълум шахс томонидан фирибгарлик йўли билан ўзлаштирилганини маълум қилган.
Тезкор-қидирув хизмати Киберхавфсизлик бўлинмалари ходимлари томонидан ўтказилган тезкор-қидирув тадбирлари натижасида, мазкур жиноятни Бухоро вилояти Бухоро шаҳрида яшовчи 21 ёшли А.Б. содир этганлиги аниқланган.
Аниқланишича, гумонланувчи А.Б. фуқаро Қ.Ғ. билан Телеграм мессенжерида танишиб, “ФОРЕХ” электрон биржасида пулларини кўпайтириб беришини ваъда қилиб, жами 19 000 АҚШ доллари миқдоридаги пул маблағларни ўз ҳисобига ўтказиб олган ва ёзишмаларни ўчириб юборган. Қўлга киритилган пулларни эса ўз эҳтиёжлари учун ишлатиб юборган.
Ҳозирда ҳолат юзасидан жиноят иши қўзғатилиб, А.Б.нинг содир этилиб, фош этилмай қолган бошқа шу турдаги жиноятларга алоқадорлиги текширилмоқда.
