Давлатимиз раҳбарининг 2023-йил 16-февралдаги “Жамоат транспорти тизимини ислоҳ қилиш чора-тадбирлари тўғрисида”ги 59-сонли қарорида берилган топшириқлар асосида бошқарма томонидан амалий ишлар олиб борилмоқда.
Жумладан, 7 март куни Тошкент давлат транспорт университети билан ҳамкорликда Бухоро шаҳар жамоат транспортини ривожлантириш Бош режаси тақдимоти ўтказилди. Бухоро вилояти ҳокими Б.Зарипов ва вилоятдаги соҳага масъул раҳбарлар тақдимот билан таништирилди.
Ишлаб чиқилган Бош режага асосан Бухоро шаҳрида жамоат транспортидан фойдаланиш самарадорлигини оширишга асосий эътибор қаратилиб, автобуслар учун алоҳида йўлакларни ташкил этиш, транспорт инфратузилмасини ривожлантириш, йўллардаги мавжуд тирбандликларни олдини олиш каби масалаларнинг энг самарали ечимлари кўрсатиб ўтилган.
Бухоро вилояти Транспорт бошқармаси Матбуот хизмати.
