Ўтказилган сайёр қабулда туман Халқ қабулхонаси мудири, ҳуқуқни муҳофаза қилувчи орган ходимлари, туман Адлия бўлими бошлиғи, тегишли корхона, ташкилот раҳбарлари, маҳалла бешлиги, фаоллари ҳамда фуқаролар иштирок этди.
Мурожаатларнинг аксарияти фуқаролар соғлигини тиклаш мақсадида бир марталик моддий ёрдам ажратиш, йўл чегараларини белгилаб бериш, электр таъминотида дуч кулаётган муаммоларни бартараф этиш, ёшга доир болалар пули ва ногиронлик нафақаси олишда ёрдамлашиш каби масалалар ўртага ташланди.
Қабул жараёнида 10 нафарга яқин фуқароларнинг мурожаати тингланиб, атрофлича муҳокама қилинди. Мурожаатларнинг 6 таси жойида ҳал этилиб, муддат талаб этиладиган мурожаатлар жойига чиқиб ўрганилиши юзасидан кўрсатмалар бериб ўтилди ҳамда алоқадор ташкилотларга мурожаатларнинг ижросини тезроқ ва аниқ муддатларда бажариш юзасидан кўрсатма ва топшириқлар берилди.
