Бир қатор озиқ-овқат маҳсулотлари учун божсиз режим яна бир йилга узайтирилди

   Божсиз режим амал қилаётган товарлар қаторига балиқ, гўшт, ун, ўсимлик ёғи ва бошқа ёғлар, қуюлтирилган сут, қаймоқ, сариёғ, йогурт, пишлоқ, творог, тухум, банан, цитрус мевалар, янги ёки қуритилган хурмо, янги олма, нок, беҳи, чой, кофе, ёрмалар, хамиртуруш, қандолат маҳсулотлари, мурабболар, макарон маҳсулотлари ва бошқалар киради.
Янги фармонга кўра, улар қаторига қуйидагилар ҳам қўшилади:
– янги сўйилган, совутилган ёки музлатилган уй паррандаси гўшти ва қўшимча озуқабоп маҳсулотлар;
– кимёвий таркиби ўзгартирилмаган ҳолда тозаланган ёки тозаланмаган кунгабоқар, махсар ёки пахта мойи ва уларнинг фракциялари.