Давлатимиз байроғи – ўтмиш, бугун ва келажагимизнинг ёрқин тимсолидир. Байроқда руҳиятимиз, меҳр-муҳаббатимиз, ғурур ва ифтихоримиз, Ватанга, халққа, порлоқ келажакка комил ишончимиз мужассамдир. Ўзбекистонимиз байроғи ҳам юртимизда яшовчи 130 дан зиёд миллат ва элатларни ягона мақсад ва ғоя остида бирлаштирувчи муқаддас қадрият, миллатлараро тотувлик белгисидир.
Шу муносабат билан бугун Бухоро тумани ҳокимлиги биноси олдида Ўзбекистон Республикаси Давлат байроғи қабул қилинган кун муносабати билан тадбир ташкил қилинди. Тадбирни туман ҳокими Хайрилло Жўраев кириш сўзи билан очди. Туман ҳокими ўз сўзида Байроқ халқнинг буюк қадриятларидан, унинг ўзлигини ифодаловчи юксак хусусиятларидан бири эканига тўхталиб, давлатчилигимиз тарихининг барча даврларида байроқ озодлик, куч-қудрат, жасорат, ғалаба тимсоли бўлганига алоҳида урғу берди.
Ҳарбий муассасалар, маданият ва санъат вакиллари иштирокидаги мусиқий бадиий-композицион чиқишлар йиғилганларга бирдек манзур бўлди.
