Мутахассисларнинг сўзларига кўра, асаб тизими кислород, аскорбин кислотаси, Б гуруҳи витаминлари, Э ва А витаминлари, ёғ кислоталари, селен ва магнийга муҳтож бўлади.
«Асаб тизимининг нотўғри ишлашида уйқусизлик ва депрессия ривожланади, жисмоний ва ақлий иш қобилияти ёмонлашади», – дейди кардиологлардан бири.
Рационингизда стрессни йўқотиш учун балиқ, резаворлар бўлиши керак. Бу овқатлар омега 3 ва антиоксидантларга бой ҳисобланади. Диетологларнинг айтишича, стресс ҳолатида таркибида витаминлар (А, Б6, Б12), антиоксидантлар бўлган овқатларни истеъмол қилиш керак. Агар одам мунтазам ва ўртача жисмоний фаолият билан шуғулланса, етарлича ухласа ва янги таассуротларга эга бўлса, асаб тизими мустаҳкамланади.
