Айрим транспортларни бошқариш учун ҳайдовчилик гувоҳномасини талаб этиш вақтинча тўхтатилади

 
Президент қарорига кўра, 2024 йил 1 январгача қуйидаги транспортлар учун ҳайдовчилик гувоҳномасини  талаб этиш тўхтатилади: 
 
— энг юқори конструктив тезлиги соатига 50 километрдан, иш ҳажми 50 см кубдан ошмайдиган ички ёнув двигателига эга бўлган ёки номинал (белгиланган) қуввати 0,25 киловаттдан ортиқ ва 4 киловаттдан кам бўлган электр двигателли икки ёки уч ғилдиракли транспорт воситаларини; 
 
— шу жумладан, худди шундай тавсифларга эга бўлган мопед, квадрицикл (квадроцикл), трицикл, скутер ҳамда йўлнинг қатнов қисмида ҳаракатланишга мослаштирилган бошқа механик мосламаларни. 
 
Шунингдек, қарорга кўра, буюртма асосида товарларни етказиб бериш (юк ташиш бундан мустасно) ўзини ўзи банд қилиш фаолият турига киритилди.