Бугун туман ҳокими Ф.Умаров Халқ қабулхонаси мудири Л.Шарипова билан биргаликда туманнинг 1-секторига қарашли “Хўжаработ” ва “Мирвоши” маҳаллаларида уйма-уй юрган ҳолда муҳтож оилалар ҳолидан хабар олиб, уларга озиқ-овқат маҳсулотлари улашди ва турмуш шароитларини кўздан кечирди.
Ўрганишлар давомида хонадон эгалари билан суҳбатлашилиб, уйлардаги шароитлар, озиқ-овқат, газ ва электр таъминоти ҳолатларини, шу билан бирга, оилалардаги муаммолар ўрганилди.
Шунингдек, мавжуд муаммоларни ҳал этиш, қийналган оилаларга зарурий ёрдам бериш, хусусан, уларнинг айримларини озиқ-овқат маҳсулотлари билан таъминлаш, ишга жойлаштириш ва моддий кўмак бериш юзасидан масъулларга топшириқлар берилди.
Маҳалладаги ўрганишлар давомида туман раҳбари ҳудуддаги тадбиркорлик қилиш истагидаги ёшлар мурожаатларига ҳам қулоқ тутиб, уларни ижобий ҳал этиш чоралари белгилаб олинди. Шунингдек томорқа ерларининг экилиши ва ободонлаштириш ишлари бўйича ҳам хонадон эгаларига тавсияалар берилди.
