Жорий йил 1 июлдан бошлаб бўш бино, фойдаланилмаётган ер участкасига нисбатан мол-мулк ва ер солиқларининг оширилган ставкаларини қўллаш бекор қилинган эди.
Лекин аввал ошириб ҳисобланган солиқлар нима бўлади, деган савол 19 минг тадбиркорни безовта қилмоқда ва бу бўйича кўплаб мурожаатлар келиб тушган.
«Шуларни инобатга олиб, тадбиркорларнинг оширилган солиқ ставкалари бўйича ҳисобланган 2 триллион сўмлик қарзларидан бутунлай воз кечсак, нима дейсизлар?», – дея тадбиркорларга мурожаат қилди давлат раҳбари.
Шунингдек, 2023 йил 1 январдан қўшилган қиймат солиғи (“НДС”) 12 фоизга туширилади.
Маълумот учун, ҳозирда қўшилган қиймат солиғи ҚҚС ставкаси 15 фоизни ташкил этади.
