Жорий йилнинг 17 август куни Ромитан туманининг “Бўронтепа” қўрғони ҳудудида барпо этилган “Bukhara Desert Oasis & Spa” инноватцион туризм кластерида Мустақиллигимизнинг 31 йиллиги байрами муносабати билан “Янги Ўзбекистонда эл азиз, инсон азиз” шиори остида Ромитан туман ҳокими ташаббуси билан “Аёллар дафтари”га киритилган 100 нафар хотин-қизлар учун бир пиёла чой устида маданий-маърифий тадбир ташкил қилинди.
Тадбирда Республика “Оила” илмий-амалий тадқиқот марказидан Дилбар Нурматова, вилоят ҳокими ўринбосари, Оила ва хотин-қизлар бошқарма бошлиғи Феруза Ибрагимова, Ўзбекистон ХДП Бухоро вилоят кенгаши раиси Зулфия Тўева, туман ҳокими Умеджон Барноев бошчилигида сектор раҳбарлари ҳамда маҳаллалардаги хотин-қизлар фаоллари иштирок этди.Тадбирда “Аёллар дафтари”га киритилган хотин-қизларнинг муаммоларини, тизимли равишда ҳал этишда яқиндан кўмаклашган 20 та ҳамкор ташкилот вакилларига туман ҳокимининг ташаккурномаси ва эсдалик совғалари топширилди.
Бундан ташқари “Аёллар дафтари”га киритилган жисмоний имконияти чекланган 9 нафар хотин-қизларга ногиронлик аравачалари берилди. Сўнгра бир пиёла чой устида дастурхон атрофида йиғилиб давлатимиз раҳбари бераётган эътибор учун шукроналар айтилди.
Тадбир давомида “Аёллар дафтари”га кириб, берилган имкониятларидан фойдаланиб, ўз иш фаолиятини бошлаган хотин-қизларимизнинг маҳсулотлари кўргазмаси 4 та сектор мисолида ташкил этилди.
