Унда тумандаги барча маҳалла фуқаролар йиғинларининг ҳоким ёрдамчилари иштирок этди. Кўрик танловда ҳоким ёрдамчилари маҳалладаги ижтимоий-иқтисодий ҳолатни хонадонбай ўрганиш, аҳолининг бандлик даражасини, оилаларнинг даромад манбаларини, томорқа ерларидан фойдаланиш ҳолатини ҳамда даромадли меҳнатга бўлган интилиши ва эҳтиёжларини таҳлил қилиш, аҳолига тадбиркорлик учун яратилган шароитлар, тадбиркорлик фаолиятини амалга оширишга тўсиқ бўлаётган муаммоларнинг тегишли ташкилотлар томонидан ҳал этилишини ташкил этиш каби амалга оширилган ишлар ва режалаштирилган ишлари хусусида маълумот тақдим этишди.
Танлов натижаларига кўра «Мирзоқул» маҳалла фуқаролар йигинининг ҳоким ёрдамчиси Жавлонбек Фозилов «Энг яхши ҳоким ёрдамчиси» ғолибликка муносиб кўрилди ва вилоят босқичига йўлланма олди.
2-ўринни «Мингчинор» МФЙ ҳоким ёрдамчиси Хуршид Давлатов эгаллаган бўлса, «Қалмақон» МФЙ ҳоким ёрдамчиси Аваз Аҳмеджонов 3-ўринни қўлга киритди.
