Тажрибали фермерларнинг таъкидлашича, август-ҳосилга ҳосил қўшувчи ой. Бу даврда шоналар гулга, коъсакка айланади. Шу боис, агротехник тадбирларини ўз вақтида ўтказиш катта аҳамиятга эга.
Бугун, 6-август куни Бухоро тумани ҳокими Хайрилло Жўраев «Боғикалон» МФЙ Панжа гидроузелида пахтачилик йўналишида фаолият олиб бораётган фермер хўжаликлари раҳбарлари билан учрашди.
Танқидий руҳда кечган учрашувда дастлаб, юртимиз бўйлаб эълон қилинган ғўзани парваришлаш бўйича «долзарб 30 кунлик» доирасида амалга оширилиши лозим бўлган ишлар муҳокама қилинди. Шунингдек фермер хўжаликлари томонидан ғўза парвариши билан боғлиқ агротехник тадбирларни ўз вақтида ва сифатли бажармаган раҳбарлар қаттиқ огоҳлантирилди.
- «Деҳқончилик фазилатли касб. Барчаларинг тажрибали, бу касбни заҳматию роҳатини кўп кўрган миришкорсизлар. Ҳар қанча меҳнатларинг, ерга берган меҳрларинг замирида аввало оъзларингни манфаатларинг, оилаларинг фаровонлиги, қолаверса эл дастурхони тўкинлиги, юрт ободлиги ётибди.» – деди туман раҳбари.
