Битирув маросимида Бухоро шаҳри ҳокимлиги вакиллари, БухДУ раҳбарияти, профессор-ўқитувчилари ва ходимлар, ОАВ вакиллари, битирувчиларнинг ота-оналари ва яқинлари иштирок этдилар.
БухДУ ректори Обиджон Хамидов кириш сўзи билан очиб берар экан, олий таълим тизимида бакалавр ҳамда магистратура босқичининг ўрни ва аҳамияти ҳақида батафсил тўхталиб ўтди, узоқ, машаққатли, айни пайтда шарафли илм йўлини босиб ўтган битирувчиларга ҳаётларидаги муҳим босқич якунланаётганлиги билан табриклаб, уларга муваффақият ва касбий соҳаларида омадлар тилади.
