Бухоро давлат университетида “Ўзбекистон-бағрикенг диёр” шиори остида “Ректор ва ёшлар” учрашуви бўлиб ўтди.
Очиқ мулоқот давомида БухДУ ректори Обиджон Хамидов эт ва тирноқдек қардош икки миллат – ўзбек ва туркман халқи ўртасида дўстлик ва бағрикенглик муҳитини янада мустаҳкамлаш, ёшларни Ватанга муҳаббат ва садоқат, миллий ва умуминсоний қадриятларни ҳурмат қилиш руҳида тарбиялаш, хорижий мамлакатлар билан дўстлик алоқаларини ривожлантириш хусусида гапириб, битириш арафасидаги талабаларга эзгу тилакларини йўллади.
Учрашув мобайнида “Ўзбекистон кўп миллатли, меҳмондўст диёр” мавзусидаги ижтимоий ролик намойиш этилди. Туркманистонлик битирувчи талабалар самарали таҳсил учун БухДУ ректори ҳамда жамоасига ўз миннатдорчиликларини изҳор этишди.
