Бухоро давлат университети ректори Обиджон Хамидов ва проректор Ориф Қодиров университетнинг фахрий вакиллари хонадонида бўлишди.
Университетда ўзининг фаолиятини олиб бораётган профессор-ўқитувчилари ҳар доим эътибордадир. Айниқса, кексалик ёшини қоралаган устозлар ҳолидан хабар олиш, уларни қадриятлар байрами, Наврўз арафасида қутлаш сингари хайрли ишлар бир неча йиллардан буён бардавом этиб келмоқда. Хусусан, мана шундай эзгу анъаналар бу йил ҳам амалга оширилмоқда. Халқимизнинг янгиланиш фаслида ёши улуғ профессор-ўқитувчиларни ва университетнинг фахрий ходимлари ҳолидан хабар олинмоқда.
Мана шундай анъана ва эътиборни давом эттирган ҳолда Бухоро давлат университети ректори Обиджон Хамидов ва ёшлар билан ишлаш бўйича проректор Ориф Қодиров университетнинг фахрий вакиллари хонадонида бўлишди. Кун давомида университетнинг Санъатшунослик факультети доценти Барот Азимов, узоқ йиллар ходимлар бўлими бошлиғи бўлиб ишлаган Сайёра Сатторова, Агрономия факультети доценти Ориф Хўжаевлар хонадонларига ташриф амалга оширилди. Ташрифда нуроний профессор-ўқитувчилар билан суҳбатда бўлиб, улар учун байрам совғалари тақдим этилди. Самимий суҳбат, ширин дийдор билан давом этган кун кексаларнинг дуолари ҳамда ширин хотирали суҳбатлар билан якун топди.
Рустам Раҳимбоев,
БухДУ Жисмоний маданият факультети талабаси
