2021-2022 ўқув йилида туманимизда ўрта таьлим мактабини 1700 нафар ўқувчи тамомлади. Бугунги кун нафақат битирувчилар, балки мактаб таьлимини олган барча ёшдаги инсонлар учун қадрли.
Айни дамларда ҳар биримизнинг хотирамизда мактаб даврлари, устозларимиз, хайрлашув онлари яна бир бор гавдаланди.
Таълим муассасаларида мактаб битирувчилари учун, устозлар, ота-оналар ҳамда кенг жамоатчилик иштирокида «Сўнгги қўнғироқ» садолари янгради.
Шу муносабат билан бугун 27-май куни Ромитан туман хокими Умеджон Барноев ташаббуси билан “Bukhara Desert Oasis & Spa” инновацион туризм кластерида битирувчи ёшлар учун консерт дастури ташкиллаштирилди. Шунингдек, спортнинг кураш Армвреслинг ҳамда миллий ўйинларимиздан бўлган арқон тортиш бўйича битирувчилар ўртасида ромитан мутлақ биринчилиги бўлиб ўтди.
Концерт дастурини очиб бериш учун сўз навбати Ромитан туман ҳокими Умеджон Барноевга берилди. Туман ҳокими битирувчиларга келажак ҳаётда йўлларини топиб олиш учун ўз маслаҳатларини бериб ўтди. Айниқса, бугунги кунларни кўпчилик орзу қилишганини сўзлаб бериб, ёшларга бугунги кундаги барча шароитлардан унумли фойдаланишни маслаҳат берди. Шу билан бир қаторда ўқув йилида муваффақиятга эришган ёшларни табриклаб, уларни фаҳрий ёрлиқлар ва совғалар билан тақдирлади.
