Мамлакатимиз фуқароларининг дарду ташвишлари билан яшаб, кекса авлод вакиллари, меҳрибон опа-сингилларимиз, азиз ёшларимизнинг турмуш ва меҳнат шароитларини яхшилаш, уларнинг эртанги кунга ишончи ҳамда муносиб келажагини таъминлаш йўлида чинакам жонбозлик кўрсатиб, сидқидилдан хизмат қилган Бухоро халқининг мард ўғлони Карим Жамалович Камалов ёди қалбларда мангу яшайди.
Фидойи ва жонкуяр раҳбар, “Дўстлик” ва “Меҳнат шуҳрати” орденлари соҳиби, ўзбек халқининг улуғ ва ардоқли фарзанди, Бухоро вилояти ҳокими вазифасини бажариб келган Карим Жамалович ўзининг серқирра сиёсий фаолияти, олижаноб инсоний фазилатлари билан қисқа давр ичида кўҳна ва навқирон бўлган Бухоройи шарифни жадал ва барқарор суръатлар билан ривожланаётган ўлкага айлантирди. У нафақат Бухоро халқининг, балки бутун Ўзбекистон миқёсида катта ҳурмат ва обрў-эътиборга сазовор бўлган самимий ва фидойи инсон сифатида танилди.
Бугун, ана шундай жонкуяр ва меҳнатсевар инсон дафн этилган Бухоро шаҳридаги “Ҳазрати имом” қабристонига Бухоро вилояти бўйича Миллий гвардия бошқармаси шахсий таркиби томонидан гулчамбар қўйилди. Унинг ҳаётлик давридаги инсоний фазилатлари, жонкуярлиги, мард, жасур ва фидойи инсон бўлганлиги ёдга олиниб, марҳумнинг хотирасига қуръон тиловат қилинди.
Ўзбекистон Республикаси Миллий гвардия Бухоро вилояти бўйича бошқармаси
