Бухоро вилоятида “Колл-маркази” – тиббий маслаҳат марказлари фаолияти ишга туширилди. 8 кун ичида вилоят штабида ДХХ, Прокуратура, ИИБ, Соғликни Сақлаш, СЭС, СЭС инспекцияси, ХОБ, Транспорт бошқармаси, Тиббиёт институтининг проффесор ўқитувчиларидан ташкил топган ишчи гуруҳлар штабларга бўлиниб аҳолига айни шу кунларда ўз кўмакларини бериб келишмоқда. Вилоят “Колл-маркази” штаб раҳбари ҳамда тиббиёт институти ўқитувчиси, тиббиёт фанлари номзоди Тўксанова Дилбар Исматовнанинг BUKHARA NEWS электрон ОАВ га берган маълумотларига кўра 10 июл куни ўз ишини бошлаган Колл-марказ бугунга қадар 1000 дан ортиқ мурожаатларга жавоб бериб келяпти.
“Фуқаролар тиббий нуқтаи назардан, коронавирус инфекцияси билан боғлиқ саволларга жавоб ва тавсияларни олиб, мутахассислардан ўзларини муаммоларига ва саволларига жавоб олишмоқда. Қўнғироқ маркази 24 соат узлуксиз ишлаяпти. Колл марказининг ўзида 10 дан ортиқ профессор-ўқитувчилар, шифокор ва психологлар қўнғироқларга узлуксиз жавоб беради.
Агар тез-тез сўраладиган саволларга эътибор берсак дастлабки кунларда аҳоли коронавирус инфекцияси, унинг белгилари ва узатиш йўллари ҳамда олдини олиш чоралари ҳақида, шунингдек тест топшириш ва унинг натижалари ҳақида ҳам колл марказига жуда кўп саволлар бераяпти.
Аниқ маълумотларга асосан Бухоро вилоятида 10 кун ичида 3 та хусусий клиникаларда беморлар ётиб даволаниши ва COVID-19 га тест топшириш имкониятлари йўлга қўйилади. Колл марказига қўнғироқ қилишда ҳеч қандай муаммолар туғилмайди яъни қўнғироқлар банд бўлмайди. Чунки қўнғироқлар бандлигини олдини олиш учун 100 млн сўмлик ажратилган маблағга охирги замон талабига мос бўлган асбоб ускуналар ўрнатилиши йўлга қўйилган. Келгусида захира учун вилоятнинг 3 та Олий таълим муассасаларида беморлар учун 1600 та янги тўшаклар яратилмоқда. Вилоят аҳолисидан ваҳимага берилмаслик ва касалхоналарда жой етишмовчилиги юзага келган деган уйдирмаларга ишонмасликни айтар эдик. Шундай бўлган вазиятда ҳам бизни вилоятда захира ўринлари тайёр. Агар сизда Колл маркази бўйича саволлар ёки муаммолар юзага келса бизни таҳририятга ёзишингиз мумкин @SherzodKamolov
ёки ушбу рақамлар билан 93 458-64-63, 99 707-30-30 боғланишингиз мумкин.
Ўзингизни асранг ва уйда қолинг.
