ЎЗБЕКИСТОНДА КОРОНАВИРУСГА ҚАРШИ КУРАШ БЎЙИЧА МАХСУС КОМИССИЯГА МУРОЖААТ!

Ижтимоий тармоқлардаги хабарларга қараганда,
кўплаб инсонлар вирусдан даволаниш учун муолажа олмаган бўлсада, улардан 30-35 млн сўмга хизмат кўрсатилганлиги тўғрисидаги ҳужжатларга имзолаш талаб қилинган. Мен ўз обуначиларимдан сўрадим ва бу ҳақиқатга ўхшаяпти. Aкс ҳолда, бир-бирини танимаган 40-50 киши бир хил нарсани ёзмайди. Далилларни топишни иложи йўқ, чунки телефонларни олиб қўйишган карантинда.

Мен бу ерда баъзи хабарларнинг матни билан бўлишаман:

• Менинг қариндошим вирусдан шубҳаланган эди. Тест салбий чиқди. Aммо ундан 35 миллион сўмлик хизматга имзо қўйишни сўрашди. У аёлда бундай пул йўқлигини айтса, буни давлат тўлайди дейишибди.
• Дўстимнинг онаси вафот этди. Вирусдан эмас. Улардан 25 миллион сўмлик харажатлар кўрсатилган қоғозларни имзолашни сўрашди. Гарчи улар барча дори-дармонларни ўзлари сотиб олишган. Давлат умуман ёрдам бермаган. Ўлиб қолганларидан кейин эса жасадни бериш учун энди 60 миллион сўмли ҳужжатларни имзолашни сўрашди. Жанжалдан кейин жасадни беришибди. Қўл қўйиб.
• Кекса бир аёл вафот этди (унинг ёшига етган эди), қариндошларига 35 миллион сўм сарфлагани ва Ковид билан касал эканлиги ҳақида имзо чекишларини айтишди, қариндошлари рози бўлмагандан сўнг, жасадни очамиз, деб қўрқитишган. Кейин имзолашга мажбур бўлган.
• Таниш бир марҳумнинг оиласига 1500 доллар таклиф қилишди, у вирусдан ўлган деб ёзишлари учун. Шундан сўнг, оила карантинга ўтказилган. Карантиндан кейин айтилган пули тўланган.
• Мен қариндошлари диабет ёки босимдан вафот этган дўстларидан эшитдим. Уларга коронавирус ҳақида қоғозга имзо қўйиш учун пул таклиф қилишган.
• Менинг дўстим даволаниш курсини ўтди. Фақат парацетамол ва шунга ўхшаш дорилар беришган. Кетиш пайтида мен 35 миллионга даволандим деган қоғозга қўл қўйган. Карантин зонасида бундайлар жуда кўп эканлигини айтди.
• Қишлоғимиздан 5 кишини олиб кетишди. Ҳеч қандай дори берилмаган. Aммо улар 30 миллион сарфланганлиги тўғрисида ҳужжатларни имзолашга мажбур бўлишди.
• Тўрақўрғонимизда бундай воқеалар жуда кўп. Ҳар кимдан ўн миллионлаб даволаш ҳужжатларига имзо қўйиш сўралган. Шунинг учун бизни одамлар давлат фақат соққа қиляпти экан деб, карантинни енгил қабул қила бошладилар.

Кўриниб турибдики, ҳар бир жойда 30-35 миллион рақами бор, бу одамларнинг барчаси бир-бирига таниш эмас. Ҳар бир хабарни текширишнинг иложи йўқ, лекин ўнлаб одамлар бир хил ҳикояларни айтиб беришга қараганда, ҳақиқатга яқиндек кўриняпти. Қолаверса янгиликларда 500 миллион сўмни ўғирлаган Навоий СЭС ҳақида ўқигандик.

Статистикага кўра, 8327 киши тузалиб кетибди. Aгар ҳар бири учун 3 минг доллар (30 миллион сўм) сарфланган бўлса, бу 25 миллион долларни ташкил этади.

Ҳақиқатда қанча сарфлангани ва имзоланган қоғозларда қанча “тўплангани” менга жуда қизиқ.

Ўзи, беморларни даволаш учун 30 миллион сўм маблаг қаердан пайдо бўлди? Кўпчиликнинг айтишича, уларга ҳеч ким умуман қарамаган. Нари борса – икки-учта дори берилган.

Мен даволашларнингҳақиқий ҳолатлари бўлганлигини инкор этмайман. Aммо юқоридаги воқеалар буларнинг барчасини шубҳа остига қўяди.

Даволаниш учун 35 млндан сарфланган одамларнинг тўлиқ рўйхати борми? Мантиқан қаралса бундай рўйхат бўлиши керак. Ва бу рўйхатда манзиллари, телефон рақамларига барча маълумотлар ҳам борлиги аниқ.

Прокуратура идорасидан ушбу рўйхатни комиссиядан сўрашини ва текширишни сўрайман. Бу солиқ тўловчининг пули.

Агар сиз даволанмасдан 30-35 млн ли қоғозга қўл қўйган бўлсангиз, далилингиз бўлса ёки ходимларнинг фамилиялари, юз кўринишлари эсингизда бўлса, troll.uz@yandex.com ёки t.me/trolluzfbot га хабар жўнатинг. Биргалашиб прокуратурага мурожаат қиламиз, фирибгарларни топамиз.

Ҳеч кимга ишонч қолмади. Афсус.

Хабарни тарқатинг.