Ромитан туман ҳудудида ўтказилаётган кенг қамровли “Долзарб 50 кун” профилактик тадбири доирасида жамоат хавфсизлигини таъминлаш, ҳуқуқбузарликларнинг олдини олиш ва фуқароларнинг тинч ҳаётини асраш мақсадида навбатдаги кечки хизмат олди йўриқнома ўтказилди.
Туман ҳокими Умеджон Барноев бошчилигида туман прокурори Фаррух Атоев ва туман ички ишлар бўлими бошлиғи Зафар Давроновлар хизматга чиқаётган ички ишлар ходимлари, жамоат тартибини сақлашга жалб этилган ҳамкор ташкилот вакилларига тегишли топшириқ ва кўрсатмалар берилди.
Йўриқнома давомида аҳолининг осойишталиги, йўл ҳаракати хавфсизлигини таъминлаш, ёшлар ўртасида ҳуқуқбузарликларнинг олдини олиш, тунги пайтларда профилактик назоратни кучайтириш масалаларига алоҳида эътибор қаратилди.
Тадбир давомида жиноят ва ҳуқуқбузарликларнинг барвақт олдини олиш, жамоат тартибини сақлаш, фуқароларнинг осойишта ҳаёт кечириши учун шарт-шароитлар яратиш масалалари муҳокама ҳам қилинди.
Шунингдек, тунги вақтларда хизмат олиб борувчи патруль-пост хизматлари, профилактика инспекторлари ҳамда бошқа тезкор тузилмалар фаолиятини мувофиқлаштириш, ҳар бир мурожаат ва сигналга тезкор жавоб қайтариш, фуқаролар билан очиқ мулоқотда бўлиш бўйича аниқ кўрсатмалар берилди.
