Ўзбекистон Республикаси Вазирлар Маҳкамасининг 22.08.2022 йилдаги 464-сонли қарори ўрганилиши ўлароқ, вилоят ҳудудида зараркунанда ва касалликлар таъсирида зарарланган ёки касалликларга чалинган дарахтлар ва буталарга кимёвий ҳамда биологик ишлов бериш аҳволи кўриб чиқилмоқда.
Хусусан, бугун вилоят прокуратураси, вилоят ҳокимлиги, ўсимликлар карантини ҳимояси, ҳудудий ободонлаштириш бошқармалари, корхона ҳамда ташкилот масъуллари иштирокида амалий семинар ташкил этилди.
Мазкур семинарда Бухоро шаҳар ҳудудидаги барча дарахт ва буталарни махсус техника ҳамда воситалар ёрдамида зараркунанда ва касалликларга қарши кимёвий ва биологик ишлов бериш, бу борадаги ишларни самарали ташкил этиш юзасидан тавсия ва кўрсатмалар берилди.
Келгусида, бу каби тадбирларни вилоятнинг барча туман ва шаҳарларида ўтказилиши белгилаб олинди.
