Хусусан, мактабларда таълим сифатини ошириш, ўқувчиларни миллий қадриятлар руҳида тарбиялаш, шунингдек, таълим-тарбия жараёнларини маҳалла ва кенг жамоатчилик вакиллари, олий таълим билан ҳамкорликда узвий ташкил этиш бўйича олиб борилаётган ишлар кўздан кечирилди.
Ишчи гуруҳ томонидан Ромитан туманининг Қизилработ аҳоли пунктидаги 38, 39-умумтаълим мактаблари, 31-мактабгача таълим ташкилотлари ҳамда Пешкў туманининг Жонгелди аҳоли пунктидаги 24, 25-умумтаълим мактаблари ва 33-мактабгача таълим ташкилотларининг моддий-техник базаси, болалар ва ўқувчилар билан олиб борилаётган таълим ва тарбия жараёнларининг сифати, мавжуд муаммоларни ўрганилди.
Шунингдек таълим муассасаларининг ўқитувчилари, педагоглари ҳамда ўқувчилар билан учрашиб уларнинг таклифлари тингланди ҳамда Бухоро давлат педагогика институти профессор-ўқитувчилари томонидан умумтаълим мактабларининг бошланғич таълим, биология, математика ва инглиз тили фанларидан дарс машғулотлари ўтиб берилди.
Ташриф якунида олис чўл ҳудудларида фаолият олиб бораётган таълим муассасаларининг таълим ва тарбия жараёнларининг сифатини янада ошириш, муаммоларни бартараф қилиш бўйича ҳамкорликдаги йўл харитаси ишлаб чиқилди.
