“Маърифат улашиб” лойиҳаси доирасида Бухоро давлат педагогика институтида тадбир бўлиб ўтди.
Бухоро давлат педагогика институтида ёшларнинг маънавий савиясини ошириш, уларни китобхонликка тарғиб қилиш ва миллий қадриятларни мустаҳкамлаш мақсадида “Маърифат улашиб” лойиҳаси доирасида ташкил этилган учрашувда Ўзбекистон халқ артисти Убайдулло Омон ва киноактёр Насрулло Нуров билан самимий давра суҳбати ўтказилди.
Улар ўзларининг ҳаётий тажрибалари ва илмий фаолияти билан ўртоқлашиб, талабаларга мотивацион чиқишлар қилдилар. Шунингдек, китоб мутолаасининг инсон тафаккурига ижобий таъсири, миллий ва жаҳон адабиётининг долзарб мавзулари муҳокама қилинди. Ушбу лойиҳа ёшларнинг интеллектуал ривожига хизмат қилиш баробарида уларни миллий қадриятлар руҳида тарбиялашга ҳам ҳисса қўшмоқда.
