Тижорат банкларидан олинган кредитлар шартнома шартларига асосан қайтарилмаганда, кредитлар суд тартибида ундирилиши ва ундирув гаров мулкларига қаратилиши мумкин.
Бюро органлари иш юритувидаги банклар фойдасига ҳал қилинган суд қарорлари ижросини таъминлаш борасида муайян ишлар қилинмоқда.
Жумладан, фуқаролик ишлари бўйича Ғиждувон туманлараро судининг 28.10.2024 йилдаги ижро варақасига асосан қарздор И.С.Отажоновдан ундирувчи “Капиталбанк” АТБ “Капитал 24” ЧБФ фойдасига 154.393.365 сўм кредит қарздорлиги ундириш, ундирувни қарздорга тегишли, 2023 йилда ишлаб чиқарилган “Lacetti” русумли автотранспорт воситасига қаратиш тўғрисидаги ижро ҳужжати Бюронинг Ғиждувон туман бўлими иш юритувига келиб тушган ҳамда ижро иши юритишни қўзғатиш тўғрисида қарор қабул қилиниб, ижро ҳаракатларига киришилган.
Қонунчиликка мувофиқ қарздорликни бартараф этиш учун қарздорга ихтиёрий муддат берилган бўлсада, ижро ҳужжати талаблари бажарилмаган.
Бўлим давлат ижрочилари томонидан олиб борилган ижро ҳаракатлари давомида қарздорга тегишли бўлган “Lacetti” русумли автомашина Ғиждувон тумани ҳудудида топилиб, вақтинча сақлаш учун жарима майдончасига жойлаштирилган ва тегишли тартибда хатланган.
Кредит қарздорлигини бартараф этиш учун қарздорга муддат берилиб, бартараф қилинмаган тақдирда, автомашина реализация қилиш учун онлайн-аукцион савдоларига чиқарилиши ҳақида расман огоҳлантирилган.
Ҳозирда, ижро ҳаракатлари давом эттирилмоқда.
Бюронинг Бухоро вилоят бошқармаси
Кредитга олинган автомашина сотилиши мумкин
Фикр билдириш
Фикр билдириш
