Ботир Зарипов бошчилигидаги секторлар раҳбарлари, тегишли ҳоким ўринбосарлари, Бухоро шаҳар секторлари ҳамда ташкилот ва корхона раҳбарларидан иборат ишчи гуруҳ Бухоро марказий деҳқон бозорида назорат тартибидаги ўрганишларни олиб борди.
Дастлаб бозорнинг автотураргоҳида бўлган масъуллар ушбу жойни тартибга келтириш, чиқиндилардан тозалаш ва ҳудудни ободонлаштириш бўйича ўз тавсияларини берди. Шунингдек, ўрганишлар ХВИ асрга оид қадимий археологик ёдгорлик «Талипоч қалъа дарвоза» ҳамда унга туташ ҳудудларда давом этди. Қадимий девор реставрациясини тезроқ якунига етказиш ва «Сомонийлар» истироҳат боғидаги сунъий кўлни қисқа фурсатда фойдаланишга топшириш бўйича мутасаддиларга кўрсатмалар берилди.
Шу ерда қишлоқ хўжалик маҳсулотлари заҳирасини яратиш масъуллар иштирокида муҳокама қилинди. Вилоят раҳбари бозордаги нарх-наво билан яқиндан танишиб, сотувчи ва харидорлар билан мулоқот қилди.
Ўрганишлар жараёнида шунингдек, бозордаги тузлама ва ярим тайёр маҳсулотларнинг сифати, электр жиҳозлари ва симларининг тартибсиз жойлаштирилганлиги танқид остига олинди. Бу ҳолатларга Ботир Зарипов алоҳида эътибор қаратиб, турли нохуш ҳолатлар келиб чиқиши мумкинлигидан огоҳлантирди. Вилоят раҳбари бозорни тартибга келтириш, ҳудудни ободонлаштириш, аҳоли ва тадбиркорларга қулайлик ва шароитлар яратиш борасида вазифалар белгиланиб ижроси назоратга олинди.
