Семинарни кириш сўзи билан Бухоро давлат педагогика институти ректори Баҳодир Маъмуров очиб берди. Шунингдек, семинар давомида Демократик жараёнларни таҳлил қилиш маркази Бухоро вилояти ҳудудий бўлинмаси раҳбари Жамшид Жўраев, Ижтимоий фанлар кафедраси ўқитувчиси Нажмиддин Жумақулов, Олий Мажлис Қонунчилик палатаси ҳузуридаги Ёшлар парламенти аъзоси, магистрант Рустамжон Раҳимбоевлар сўзга чиқишди.
Талаба-ёшлар иштирокида бўлиб ўтган семинарда “Ўзбекистон – 2030” стратегиясида ёшларнинг иштироки, Олий таълим муассасаларида ёшларга оид давлат сиёсати соҳасида амалга оширилаётган ислоҳотлар, Ёшлар парламентининг вазифалари, амалга оширилган ишлари ва истиқболдаги режалари каби мавзуларда сўз борди. Очиқ мулоқот якунида ёшлар ўзларини қизиқтирган барча саволларга атрофлича жавоблар олишди. Шунингдек, талабаларга керакли тавсиялар берилди.
