Тантанали тадбирда сўзга чиққан бошқарма бошлиғи Мустақиллигимизнинг қутлуғ 33 йиллик айёми, шунингдек, янги ўқув йили билан таълим маскани ўқитувчи ва ўқувчилари ҳамда ота-оналарни табриклади.
Вилоят 3-сектор раҳбари сўнгги йилларда мактаб таълими соҳасидаги ислоҳотларга тўхталиб, Президентимиз ташаббуси билан таълим-тарбия тизимини ривожлантириш давлат сиёсати даражасига кўтарилганлигини, фарзандларимизнинг жаҳон андозаларига мос шароитларда замонавий билим ва касб-ҳунарларни эгаллашлари, жисмоний ва маънавий жиҳатдан етук инсонлар бўлиб вояга етишларини таъминлаш, уларнинг қобилият ва истеъдоди, интеллектуал салоҳиятини рўёбга чиқариш, ёшларимиз қалбида она юртга садоқат ва фидойилик туйғуларини камол топтириш борасида улкан ишлар амалга оширилаётганини аҳоҳида таъкидлади.
Шундан сўнг, намунали ўқитувчи ва ўқувчиларга бошқарма бошлиғининг ташаккурномаси ҳамда эсдалик совғалари тақдим этилди.
Тадбир давомида Ички ишлар бошқармаси бошлиғи подполковник Икромжон Турсунов ва туман ҳокими Шерзод Ашуровлар мактаб остонасига илк қадам қўяётган 1-синф ўқувчиларига 12 турдаги ўқув қуролларидан иборат “Президент совғалари”ни топширдилар.
