Тошкент вилояти ИИБ ходимлари томонидан олиб кетилган фуқаро сирли тарзда вафот этди.
Маълумотларга кўра, уни тиббиёт ҳушёрхонасига олиб кетишган, фуқаро эса қаршиликлар билдириб, транспорт воситасидан ташқарига сакраган. Оқибатда тан жароҳатлари олган, дейди Тошкент вилояти ИИББ ахборот хизмати раҳбари.
Марҳумнинг яқинлари эса у ИИБ ходимларининг калтаклаши оқибатида вафот этганини айтишмоқда.
Ўғлини олиб кетган кундан бир кун ўтиб, оиласи фуқарони Бекобод туманидаги шифохонада ўлик ҳолда кўришган. Ўғлимнинг юзлари шишиб, боши ёрилган эди, дейди Собир ака. Уларнинг хавотирига кўра, воқеа босди-босди қилиниши мумкин.
Тошкент вилояти ИИББ ахборот хизмати масъули фуқаро ИИБ ходимлари томонидан уриб ўлдирилганини инкор этмоқда.
